LIC நிறுவனத்தில் உதவியாளர் பணிக்கான தேர்வு ஒத்தி வைப்பு!

0
60

LIC Assistant Exam Postponed: எல்.ஐ.சி நிறுவனத்தில் உதவியாளர் பணிக்கான (LIC Assistant 2019) முதல்நிலை தேர்வு தேதி மாற்றம் செய்யப்பட்டுள்ளது. முதல்நிலை தேர்வு (LIC Assistant Prelims) எப்போது நடைபெறும், ஹால் டிக்கெட் எப்போது கிடைக்கும் என்பது பற்றிய விபரங்களை இங்கு காணலாம்.

Life Insurance Corporation of India எனப்படும் தேசிய காப்பீடு நிறுவனத்தில் (LIC) காலியாக உள்ள சுமார் 8 ஆயிரத்துக்கும் மேற்பட்ட உதவியாளர் (LIC Assistant 2019) பணியிடங்கள் நிரப்பப்படுவதாக அறிவிக்கப்பட்டது. இதற்கான அதிகாரப்பூர்வ அறிவிக்கை www.licindia.in என்ற இணையதளத்தில் கடந்த செப்டம்பர் மாதம் வெளியிடப்பட்டது.

இந்த LIC Assistant Exam 2019 எழுதுவதற்கு விண்ணப்பதாரர்கள் ஏதேனும் ஒரு பட்டப்படிப்பு படித்திருந்தாலே போதும். மொத்தமாக 8 ஆயிரம் பணியிடங்கள் நிரப்பப்படுவதால், அரசு வேலைக்குத் தயாராகி வரும் பட்டதாரிகள் அனைவரும் போட்டிப் போட்டுக்கொண்டு விண்ணப்பித்தனர். செப்டம்பர் 17ம் தேதி முதல் அக்டோபர் 1ம் தேதி வரையில் விண்ணப்பங்கள் பெறப்பட்டது.

LIC Assistant Exam Postponed:
உதவியாளர் பணிக்கான முதல்நிலை தேர்வு (LIC Assistant prelims 2019) அக்டோபர் 21 மற்றும் 22 ஆகிய தேதிகளில் நடைபெறும் என்று முதலில் அறிவிக்கப்பட்டிருந்தது. இந்த நிலையில், தற்போது LIC Assistant prelims 2019 முதல்நிலைத் தேர்வு அக்டோபர் 30, 31 ஆகிய தேதிகளில் நடைபெறுவதாக புதிய அறிவிப்பு வெளியிடப்பட்டுள்ளது. இந்த தேர்வு தேதி மாற்றம் குறித்த அறிவிப்பு எல்.ஐ.சி.,யின் அதிகாரப்பூர்வ இணையதளம் www.licindia.in பக்கத்தில் வெளியிடப்பட்டுள்ளது.

தேர்வுக்கான ஹால்டிக்கெட் அக்டோபர் 15 ஆம் தேதி ஆன்லைனில் வெளியிடப்படும். விண்ணப்பதாரர்கள் இதனை www.licindia.in என்ற இணையதளத்தில் பெற்றுக்கொள்ளலாம். ஹால்டிக்கெட்டில் ஒரு முறை விண்ணப்பதாரர்களின் பெயர், முகவரி, தேர்வு மையம், புகைப்படம் உள்ளிட்ட விபரங்கள் சரியாக உள்ளதா என்பதை சரிபார்ததுக் கொள்ளவும்..

LEAVE A REPLY

Please enter your comment!
Please enter your name here