வழியனுப்பி வைத்த தமிழ்நாடு!

0
77

ஷி ஜின்பிங் – மோடி சந்திப்பின் இரண்டாம் நாளான இன்று கோவளம் தாஜ் பிஷர்மேன் கோவ் விடுதியில் இரு நாட்டு தலைவர்களும் 45 நிமிடங்களுக்கும் மேல் கலந்துரையாடினர். அப்போது மொழிபெயர்ப்பாளர்கள் மட்டும் உடனிருந்தனர். இந்த சந்திப்பு ஐம்பது நிமிடங்கள் வரை நடைபெற்றது. இதில் இரு நாடுகளுக்கு இடையிலான வர்த்தகம், இராணுவம், நல்லுறவு குறித்து விவாதிக்கப்பட்டது.அதன்பின்னர் பேட்டரி காரில் விடுதியை வலம் வந்த தலைவர்கள் கடற்கரையை சுற்றிப் பார்த்தனர். தொடர்ந்து இரு நாட்டு பிரதிநிதிகளுடன் உயர்மட்ட பேச்சுவார்த்தை நடைபெற்றது. இதில் இந்தியா சார்பில் வெளியுறவுத்துறை அமைச்சர் ஜெய்சங்கர், வெளியுறவுத்துறை செயலாளர் விஜய் கோகலே, தேசிய பாதுகாப்பு செயலாளர் அஜித் தோவல் மற்றும் வெளியுறவுத்துறை அதிகாரிகள் கலந்துகொண்டனர்.

இந்த நிகழ்வில் பேசிய மோடி, மதிப்பிற்குரிய விருந்தினரை வரவேற்பதில் மகிழ்ச்சியடைகிறேன் என தமிழில் தனது பேச்சை தொடங்கினார். “இந்த முறை சாரா மாநாட்டின் மூலம் இரு நாட்டு உறவில் புதிய அத்தியாயம் தொடங்கியிருக்கிறது. தமிழ்நாட்டிற்கும் சீனாவிற்கும் இடையே ஆழமான கலாச்சார உறவு இருந்துள்ளது அதனாலே இரு நாடுகளும் தற்போது பெரும் பொருளாதார சக்தியாக விளங்குகிறது. இந்த நட்பு ரீதியான சந்திப்பின் மூலம் தமிழ்நாட்டின் வரலாற்றை விவரித்ததில் மகிழ்ச்சி” என்று மோடி பேசினார்.

சீன அதிபர் ஷி ஜின்பிங் பேசும் போது, “நேற்றைய மாமல்லபுரம் நிகழ்வு சிறப்பாக இருந்தது. தமிழர்களின் விருந்தோம்பலும் உபசரிப்பும் எனக்கும் சீன அதிகாரிகளுக்கும் ஒருபோதும் மறக்கமுடியாது. நானும் மோடியும் சிறந்த நண்பர்கள்” என்றார்.

நிகழ்வுக்குப் பின் மோடி சீன அதிபருக்கு நாச்சியார் கோவில் அன்ன விளக்கு, தஞ்சை நடனமாடும் சரஸ்வதி ஓவியம் ஆகிய இரு பரிசுகளை வழங்கினார். கைத்தறி பட்டு நெசவு செய்வதை சீன அதிபருக்கு மோடி விளக்கினார். ஷி ஜின்பிங்கின் உருவம் நெய்யப்பட்ட பட்டாடையையும் மோடி வழங்கினார்.

அதன்பின் ஜின்பிங் கோவளத்திலிருந்து திருவிடந்தைக்கு காரில் கிளம்பிச் சென்றார். அங்கிருந்து ஹெலிகாப்டர் மூலம் சென்னை விமான நிலையத்திற்கு 1.30 மணியளவில் வருகை தந்தார். அங்கு தமிழக முதல்வர் எடப்பாடி பழனிசாமி, துணை முதல்வர் ஓ.பன்னீர் செல்வம், ஆளுநர் பண்வாரிலால் ஆகியோர் வழியனுப்பிவைத்தனர்.

LEAVE A REPLY

Please enter your comment!
Please enter your name here