கனிமொழி எம்பியா தொடர்வாரா?

0
71

தூத்துக்குடி மக்களவை தேர்தலில் திமுக சார்பாகப் போட்டியிட்ட கனிமொழி, பாஜக வேட்பாளர் தமிழிசை செளந்தராஜனை விட 3 லட்சத்து 47 ஆயிரம் வாக்குகள் அதிகம் பெற்று வெற்றி பெற்றார். கனிமொழி வெற்றியை எதிர்த்து தமிழிசை செளந்தராஜன் சென்னை உயர் நீதிமன்றத்தில் தேர்தல் வழக்கு ஒன்றைத் தொடுத்தார்.

இந்த வழக்கு மீதான விசாரணை நிலுவையிலிருந்து வந்த நிலையில், தமிழிசை தெலங்கானா ஆளுநராகப் பொறுப்பேற்றுக் கொண்டார். இதனால் வழக்கை வாபஸ் பெற அனுமதி கோரி தமிழிசை உயர் நீதிமன்றத்தில் மனுத் தாக்கல் செய்தார். மனுவை விசாரித்த உயர் நீதிமன்றம், வழக்கை வாபஸ் பெறுவது குறித்து அரசிதழில் வெளியிடும்படி, நீதிமன்ற பதிவாளருக்கு உத்தரவிட்டது.

இதைத்தொடர்ந்து, வழக்கு மீண்டும் விசாரணைக்கு வந்தது, அப்போது வழக்கை வாபஸ் தொடர்பாக அரசிதழில் வெளியிடப்பட்டு விட்டது என நீதிமன்ற பதிவாளர் நீதிமன்றத்தில் தெரிவித்தார். இதை ஏற்ற உயர் நீதிமன்றம், தேர்தல் வழக்கை வாபஸ் பெறத் தமிழிசைக்கு அனுமதி வழங்கப்பட்டது. அதே நேரத்தில், வழக்கை வாபஸ் பெறுவது குறித்து தலா ஒரு தமிழ் மற்றும் ஆங்கில பத்திரிகைகளில் விளம்பரம் செய்ய வேண்டும் என உத்தரவு பிறப்பிக்கப்பட்டது.

இந்நிலையில், தூத்துக்குடி தேர்தலில் கனிமொழி பெற்ற வெற்றியை எதிர்த்து வாக்காளர் சந்தானகுமார் தொடர்ந்த வழக்கைத் தள்ளுபடி செய்ய கோரி, திமுக எம்பி கனிமொழி உயர் நீதிமன்றத்தில் மனுத் தாக்கல் செய்துள்ளார். இந்த மனு மீதான விசாரணை வரும் 30ம் தேதிக்கு நடத்தப்படும் என நீதிமன்றம் உத்தரவிட்டு, வழக்கு விசாரணையை ஒத்திவைத்தது.

LEAVE A REPLY

Please enter your comment!
Please enter your name here