உதவிப்பேராசிரியர் பணிக்கு விண்ணப்பிக்க கால அவகாசம் நீட்டிப்பு!

0
70

தமிழக அரசு கலை மற்றும் அறிவியல் கல்லூரிகளில் உதவிப் பேராசிரியர் பணிக்கான TRB தேர்வுக்கு விண்ணப்பிக்க தற்போது கூடுதல் கால அவகாசம் வழங்கப்பட்டுள்ளது.

தமிழ்நாட்டில் உள்ள அரசு கலை, அறிவியல் மற்றும் கல்வியியல் கல்லூரிகளில் காலியாக உள்ள உதவிப்பேராசிரியர் பணியிடங்களை நிரப்புவதற்கான http://trb.tn.nic.in/ அறிவிக்கை கடந்த ஆகஸ்ட் 28 ஆம் தேதி வெளியிடப்பட்டது. பின்னர், காலியிடங்களின் எண்ணிக்கையை மாற்றியமைத்து திருத்தப்பட்ட புதிய அறிவிக்கையை அக்டோபர் 4 ஆம் தேதி ஆசிரியர் தேர்வு வாரியம் வெளியிட்டது.

திருத்தப்பட்ட புதிய அறிவிக்கையின்படி, மொத்தம் 2 ஆயிரத்து 331 உதவிப்பேராசிரியர் பணியிடங்கள் நிரப்பப்படுகிறது. உதவிப்பேராசிரியர் பணிக்கான சம்பளம் லெவல் 10ன்படி, மாதம் ரூ. 57,000 முதல் ரூ. 1,82,400 வரையில் நிர்ணயிக்கப்பட்டுள்ளது. மேலும், இதற்கு விண்ணப்பிக்க அக்டோபர் 30 ஆம் தேதி கடைசி நாள் என்று அறிவிக்கப்பட்டிருந்தது.

இந்த நிலையில், தற்போது TRB Assistant Recruitment உதவிப்பேராசிரியர் பணி தேர்வுக்கு விண்ணப்பிப்பதற்கான கால அவகாசம் நவம்பர் 15 ஆம் தேதி வரையில் நீட்டிப்பு செய்யப்பட்டுள்ளது. இது தொடர்பாக ஆசிரியர் தேர்வு வாரியம் வெளியிட்டுள்ள செய்திக்குறிப்பின்படி, பல்வேறு தரப்பினரிடம் இருந்து காலநீட்டிப்பு செய்ய வேண்டி ஆசிரியர் தேர்வு வாரியத்துக்கு கோரிக்கைகள் வந்த வண்ணம் உள்ளது.

எனவே, அரசு கலை மற்றும் அறிவியில், கல்வியியல் கல்லூரிகளுக்கான உதவிப் பேராசிரியர் பணியிடங்களுக்கு ஆன்லைன் வழியே 15.11.2019 அன்று மாலை 5.00 மணி வரையில், விண்ணப்பதாரர்கள் பதிவேற்றம் செய்திடும் வகையில் கால நீட்டிப்பு செய்யப்பட்டுள்ளது’. இவ்வாறு தெரிவிக்கப்பட்டுள்ளது. கணிதம், வரலாறு, தாவரவியல், வேதியியல், வணிகவியல், வர்த்தகம் என பெரும்பாலான துறைகளில் உதவிப்பேராசிரியர் பணியிடங்கள் நிரப்பப்படுகிறது.

உதவிப்பேராசிரியர் பணிக்கு விண்ணப்பிக்க கால அவகாசம் நீட்டிப்பு செய்யப்பட்டது தொடர்பான விபரங்களுக்கு, ஆசிரியர் தேர்வு வாரியம் வெளியிட்டுள்ள அதிகாரப்பூர்வ செய்திக்குறிப்பைப் பார்க்கவும்: http://trb.tn.nic.in/arts_2019/Lastdate.pdf

 

LEAVE A REPLY

Please enter your comment!
Please enter your name here