இதோ அடுத்த வழக்கு ரெடி!!

0
35

நகர்ப்புறங்களில் தேர்தல் நடத்தாமல், ஊரக உள்ளாட்சித் தேர்தல் முடிவுகளை வெளியிடக் கூடாது என உத்தரவிட கோரி, சட்ட பஞ்சாயத்து இயக்கம் சார்பில் உச்ச நீதிமன்றத்தில் மேல்முறையீட்டு மனு தாக்கல் செய்யப்பட்டுள்ளது.

நீண்ட இழுபறிக்குப் பிறகு உச்ச நீதிமன்றத்தின் உத்தரவுக்குப்பின் ஒருவழியாக, தமிழகத்தில் கடந்த 27, 30 ஆம் தேதிகளில் ஊரக உள்ளாட்சிகளுக்கு மட்டும் தேர்தல் நடைபெற்றது.

இந்தத் தேர்தலுக்கான வாக்கு எண்ணிக்கை மற்றும் முடிவுகள் வியாழக்கிழமை (ஜனவரி 2) வெளியிடப்பட உள்ளன.

இந்த நிலையில் மாநகராட்சி, பேரூராட்சி, நகராட்சி உள்ளிட்ட நகர்ப்புறங்களுக்கான தேர்தலை நடத்தாமல், உள்ளாட்சித் தேர்தல் முடிவுகளை வெளியிடக்கூடாது என உத்தரவிடக் கோரி, உச்ச நீதிமன்றத்தில் மேல்முறையீடு செய்யப்பட்டுள்ளது.

சட்ட பஞ்சாயத்து இயக்கத்தின் பொதுச் செயலாளர் செந்தில் ஆறுமுகம் சார்பில், வழக்கறிஞர் ஜிஎஸ் மணி இந்த மேல்முறையீட்டு மனுவை தாக்கல் செய்துள்ளார்.

அந்த மனுவில், ‘உள்ளாட்சி நகர்ப்புற தேர்தலை நடத்தாமல் கிராமப்புற தேர்தலை நடத்தி அந்த முடிவுகளை வெளியிட்டால் அது நகர்ப்புறத்தில் தேர்தல் நடத்தும் போது வாக்காளர்களை குழப்பத்திற்கு உண்டாக்கி சரியான முறையான தேர்தல் நடைபெறாது.

எனவே, நகர்ப்புறங்களில் உள்ள உள்ளாட்சி அமைப்புகளுக்கும் தேர்தலை நடத்தி ஒட்டுமொத்தமாக கிராமப்புற உள்ளாட்சி தேர்தல் முடிவுகளும், நகர்ப்புற உள்ளாட்சி தேர்தல் முடிவுகளும் மொத்தமாக வெளியிடப்பட வேண்டும்” என்று அந்த மனுவில் தெரிவிக்கப்பட்டுள்ளது.

இந்த மனுவை அவசர வழக்காக விசாரிக்க கோரிக்கை வைக்கப்பட்டுள்ளது. இதுதொடர்பான ரிட் மனுவை, சென்னை உயர் நீதிமன்றம் நேற்று (திங்கள்கிழமை) தள்ளுபடி செய்து உத்தரவிட்டிருந்தது என்பது குறிப்பிடத்தக்கது.

LEAVE A REPLY

Please enter your comment!
Please enter your name here