அயோத்தியில் மசூதி கட்டிக்கொள்ள உ.பி. அரசு இடம் தேர்வு செய்யலாமா?

0
33

150 ஆண்டுகால பிரச்சினைக்கு உச்ச நீதிமன்றம் கண்ட எளிமையினும் எளிய தீர்வின் படி, அயோத்தியில் மசூதி கட்டுவதற்காக 5 இடங்களை உத்தர பிரதேச அரசு அடையாளம் கண்டு, அதற்கான பட்டியலை மத்திய உள்துறை அமைச்சகத்திற்கு அனுப்பி வைத்துள்ளது.

150 ஆண்டுகால நில உரிமை விவகாரமான அயோத்தி விவகாரம், 1992 ஆம் ஆண்டு பாபர் மசூதியை இந்துத்துவ கர சேவகர்கள் இடித்த சம்வத்துக்குப் பிறகு வீரியமானது. அதைத்தொடர்ந்து பெருங்கலவரமாக நடந்து வந்தது. இந்நிலையில், கடந்த நவம்பர் மாதம் 9ஆம் தேதி அயோத்தி வழக்கில் உச்சநீதிமன்றம் தீர்ப்பளித்தது.

5 நீதிபதிகள் கொண்ட அமர்வாக இருந்தபோதும், ஐந்து நீதிபதிகளும் ஒரே தீர்ப்பு அறிக்கை வெளியிட்டனர். அந்த தீர்ப்பின்படி, அயோத்தியில், சர்ச்சைக்குரிய 2.77 ஏக்கர் நிலம் இந்து அமைப்புகளுக்கே சொந்தம். அந்த இடத்தில் ராமர் கோயில் கட்டலாம்.

அதற்குப் பதிலாக, முஸ்லிம்கள் மசூதி கட்டிக் கொள்வதற்காக, 5 ஏக்கர் மாற்று இடம் இஸ்லாமியர்களுக்கு வழங்கப்பட வேண்டும் கூறப்பட்டிருந்தது.

இந்நிலையில், மிர்சாப்பூர், சம்சுதின்புர் மற்றும் சாந்த்பூர், உள்ளிட்ட பகுதிகளில் இருந்து 5 காலி இடங்களை தேர்வு செய்துள்ளது உ.பி. அரசு. தேர்வு செய்யப்பட்ட இந்த இடங்களின் பட்டியலை மத்திய உள்துறை அமைச்சகத்தின் ஒப்புதலுக்காக அனுப்பி வைத்துள்ளது. தேர்வு செய்யப்பட்ட இடங்கள் அனைத்தும், நெடுஞ்சாலை பகுதிக்கு அருகில் அமைந்துள்ளதால், முஸ்லிம்கள் எளிதாக மசூதிக்கு செல்ல முடியும் எனவும் உத்தரபிரதேச அரசு வட்டாரங்கள் தெரிவித்தன.

ஆனால், இஸ்லாமியர்கள் விரும்பிய இடங்களில் மசூதிகட்ட 5 ஏக்கர் நிலம் தரவேண்டும் என்பதுதான் தீர்ப்பு. அப்படியிருக்க, சன்னி வக்ஃபு வாரியம்தானே பட்டியலைத் தயார் செய்திருக்க வேண்டும். உ.பி அரசு எப்படி தயார் செய்யலாம் என்ற கேள்வியை அரசியல் பார்வையாளர்கள் முன்வைக்கின்றனர்.

LEAVE A REPLY

Please enter your comment!
Please enter your name here